Elikser - Frenette van Wyk

Lily Linvelt se enigste missie is om 'n oeroue blommetjie in Ierland, in die Burren, te vind.  Sy moet 'n elikser maak om haar ma te red wat 'n paar maande gelede deur 'n bloedsuiervlermuis in die einste Burren gebyt is.

Terwyl sy daar is, ontmoet Lily vir Sterling Ashford.  Hy is 'n natuurbewaarder en -kenner en hy help vir Lily om die seldsame blommetjie op te spoor.  Hy is beeldskoon en enigmaties.  Geheimsinnig en verleidelik.  Sy hele wese druip van ... betowering.  Lily kom egter voor meer uitdagings te staan.

Sy ontdek 'n geheim oor Sterling wat die wind uit haar seile neem en 'n bonatuurlike wreld vir haar oopsluit, een wat sy gedink het net in fantasie bestaan.  Cobalt, die parfumeur by wie sy die enfleurage leer doen, en sy honde het boonop 'n eie, duistere agenda.  Die magiese blommetjies groei ook net in die diepste, gevaarlikste deel van die Graganwoud en vele vyandige wesens staan in haar en Sterling se pad om betyds die elikser vir maar ma te maak ...