Afdraai - 'n Kroniek deur A.H.M. Scholtz

Afdraai - 'n Kroniek deur A.H.M. Scholtz - Kwela - 1998, eerste uitgawe, eerste druk - Sagteband in nmooi toestand het voorheen aan Linda rode behoort.

Posgeld en verpakking R28.00

Afdraai is 'n roman vol onvoorspelbare wendinge en met ’n nuwe toonaard vir Scholtz: naas die warm, mensliewende mense van Vatmaar, staan daar nou die ry onvergeetlike figure van Afdraai.

Oorlog en politieke omwentelinge – die Anglo-Boereoorlog, die Eerste en die Tweede Wêreldoorlog, die instelling van apartheid – is die agtergrond waarteen ’n aantal Suid-Afrikaners se lewens onlosmaaklik verstrengel raak. Deur liefde en haat en uitgelewerdheid aan ’n gemeenskaplike lot, kruis die pad van die blas Hester Olivier, bywonersvrou op Brinks Pos, weer en weer met dié van voortrekker-nasate in haar omgewing. Ook Regina Taylor, Edith Juries, Pietro Rossellini en Mula Photso van Brinks Pos, en Taliep Samuels, Israel Levine en die Cloetes van Afdraai word ingeweef in ’n verhaal wat tot in die derde en vierde geslag gevolg word.

Soms bring die verweefdheid vreugde, meer dikwels pyn. Sonder om kant te kies en sonder versagting, beeld Scholtz, 'n meesterverteller en mensekenner, die sterkte en swakhede van sy karakters uit – die wat hoog was en tot ’n val kom, die nederiges wat verhef word; die wat seermaak én die wat seerkry.

"Met Afdraai sny die verteller laag op laag van die Suid-Afrikaanse geskiedenis oop, tot op die been selfs … Afdraai is ’n knap kroniek – knap vanweë die krag van sy eenvoud, die byna naïwe vertelstyl, die fyn flitse karakterisering en, bowenal, die onmiskenbare strekking van menslikheid en van ‘vergeefnis’ en ‘versoening sonder maat’, soos die skrywer is sy opdrag bepleit." George Weideman, Rapport