Afrikaanse Bybelkonkordansie

Afrikaanse Bybelkonkordansie 1957 Ou Vertaling 1983 Nuwe Vertaling Gegrond op die Afrikaanse Vertaling van 1933 en die Hersiene uitgawe van 1957. Hersien en uitgebrei met die 1983-Vertaling deur Felix A. Mijnhardt - Ds. C.F. Mijnhardt - 2003, tweede druk - Lux Verbi - Boek is in uitstekende toestand; soos nuut.

Posgeld vir hierdie boek: R45.00

Ds CF Mijnhardt se Afrikaanse Bybelkonkordansie wat byna 70 jaar gelede vir die eerste keer verskyn het, beleef nou sy negende uitgawe! Van sy beskeie begin in 1934 het die gewilde konkordansie (vir sowel die Ou Vertaling en Hersiening van 1957 as vir die Nuwe Vertaling van 1983) gegroei tot 'n standaard-naslaanwerk vir Bybellesers, predikante en elkeen wat 'n studie van die Bybel maak.

Hierdie negende uitgawe bevat ongeveer 200 000 teksverwysings wat elkeen voorsien is van 'n kernagtige, maar sinvolle aanhalinggreep waaruit die teksverband afgelei kan word.

Afgesien van die konkordansiegedeelte is daar ook waardevolle registers van die planteryk, diere, edelgesteentes, mate, gewigte en munte, tye en maande wat in die Bybel gebruik word. Die boek word afgesluit met tekstuele groeperings van 'n aantal leerstukke van die Bybel.