AFRIKANER AFRIKAAN: ANEKDOTES EN ANALISE DEUR FREDERIK VAN ZYL SLABBERT

AFRIKANER AFRIKAAN: ANEKDOTES: ANEKDOTES EN ANALISE DEUR FREDERIK VAN ZYL SLABBERT

Van Zyl Slabbert se kleurryke loopbaan as akademikus, parlementslid, politieke konsultant en sakeman word in Afrikaner Afrikaan boeiend weerspieel in politieke vertellinge en skerp, noukeurige ontledings van die keuses wat gewone mense nou moet doen.

Deur middel van talle anekdotes verskaf slabbert die agtergrond tot die besluite wat die verloop van sy lewe dramaties beinvloed het - soos toe hy gekies het om nie meer predikant te word nie, en sy bedanking as opposisieleier uit die laaste wit parlement. Hy vertel van die verreikende gevolge van toevallige ontmoetings met mense soos George Soros, Breyten Breytenbach en ander; van verhoudings en gebeurtenisse wat sy lewe verryk het; van die stigting van Idasa; en van sy toenemende betrokkenheid by Afrika.

Hy ontleed ook die agtergrond van die politieke situasie in Suid-Afrika; die argumente wat deel van apartheid-denke was; die invloed van die struggle op die hedendaagse Suid-Afrikaanse politiek; die rol van die Waarheid-en-Versoeningskommissie; die sentrale politieke uitdagings vir die nuwe regering; die funksie van die opposisiepartye; en die rol van Afrikaanssprekendes en Afrikaans in die nuwe Suid-Afrika.

Om Afrikaans te wees in Afrika is vir Slabbert toevallige sosiale geboortevlekke waarvoor hy nie gevra het nie, maar waarmee hy op 'n diep betrokke manier saamleef, sodat dit 'n deurlopende en ryk geskakeerde ondersoek na die sin van sy eie bestaan word.

Sagteband boek in goeie kondisie.

Eerste Uitgawe, 1999.

136 bladsye.