Agaat - Marlene van Niekerk

 Agaat - Marlene van Niekerk - Tafelberg - 2004, eerste uitgawe - Sagteband in baie mooi, skoon en stewige toestand.

Agaat handel (onder andere) oor Milla Redelinghuys, die boervrou van die plaas Grootmoedersdrift, wat op sterwe lê en haar lewe in haar gedagtes herbeleef. Haar oppasser is die bruin vrou Agaat, vir wie Milla as klein kindjie aangeneem het en met wie se lewe hare verstrengel is. Indertyd was Milla eensaam, kinderloos en ongelukkig getroud, en die aanneming van Agaat was deels uit filantropiese oorwegings, deels uit selfsugtige motiewe - sy wou Agaat laat wegkom uit haar ellendige huislike omstandighede, maar Agaat moes ook aan haar leë bestaan betekenis verleen. Milla se idealistiese voorneme, om soos 'n Bybelse Hanna haar kindjie vir die Here groot te maak, ontaard al gou in 'n gruwelike kondisionering van die kind, 'n opvoeding waarin Agaat volledig na die hand van haar aanneem-moeder gevorm word. Agaat, die slagoffer van verkragting in die huis van haar biologiese ma, word op 'n manier weer 'n keer, lewenslank, verkrag, wanneer sy onderwerp word aan 'n lewe waarin sy geen behae het nie.