Armosyn van die Kaap: voorspel tot vestiging, 1415-1651- Karel Schoeman

Armosyn van die Kaap: voorspel tot vestiging, 1415-1651- Karel Schoeman - Cape Town: Human & Rousseau, 1999 - Hardeband met stofomslag soos nuut.

Armosyn van die Kaap: voorspel tot vestiging, 1415-1651 beskryf die aanloop tot die stigting van die verversingspos aan die Kaap onder Jan van Riebeeck in 1652. Hoofsaaklik aan die hand van eietydse bronne word die verkenningstogte van die vroeë Portugese en Nederlandse skeepvaarders, die opkoms van die Atlantiese slawehandel, die vestiging van 'n Europese handelsryk in die Ooste, die stigting van die Verenigde Oos-Indiese Kompanjie en die opbloei van Nederland in die sewentiende eeu op kleurryke en lewendige wyse uitgebeeld, en die ontwikkeling beskryf wat gelei het tot die uitsending van Van Riebeeck en sy geselskap aan die einde van 1651. 'n Tweede volume sal in aansluiting hierop die eerste tagtig jaar van die blanke volksplanting aan die Kaap beskrywe, met as raamwerk die lewe van die slavin en vryswartin Armosyn van die Kaap."