Bedrog By die Wieg

Die dag toe Walter Malan sy eie doodgebore seun sonder die medewete van sy vrou verwang het met die buite-egtelike kind van 'n onbekende vrou, het hy 'n kettingreaksie veroorsaak waarvan hy die bittere uiteinde nie in sy wildste drome kon voorsien nie. Hierdie seuntjie, so vol polsende lewe, wat Anna haar eie sal waan, aan wie sy sal dink dat sy hom al die maande onder haar hart gedra het en wie sy met al haar moederliefde sal bejeen... Hoe sal hy wees? Hoe is die dinge in sy bloed en sy verstand? Sal hy vir hulle 'n plesier wees, of andersom? Wat voer die noodlot in die skild dat hy die wettige kind laat sterf het en hierdie een, die vreemdelik, so maklik en so toevallig aan Walter besorg het en aan Anna?