Benut ons Inheemse Bome - Fanie and Julye-Ann Venter

Benut ons Inheemse Bome - Fanie & Julye-Ann Venter - Briza - 2005 - Sagteband in baie mooi toestand.

Die titel is gebaseer op 'n reeks artikels wat oor 'n periode van twee jaar in die tydskrif Farmer's Weekly verskyn het. Honderde versoeke van lesers dat die inligting in boekvorm beskikbaar gestel moet word, het tot hierdie publikasie gelei. 'n Volledige spesie beskrywing, kenmerke waaraan die boom uitgeken kan word, blom- en dratye, natuurlike verspreiding en habitat. Die ekologiese rol en benutting deur soogdiere, voels en insekte. Ekonomiese waarde en gebruik deur die mens in tuine, op plase en elders as `n bron van voedsel, vesel en medikasie. Eienskappe van die hout en die benutting daarvan deur die mens. Duidelike riglyne oor die ent en kweek van elke boomsoort. 'n Kaart wat die natuurlike verspreiding van elke boomsoort in Suid-Afrika, Swaziland en Lesotho aandui. Meer as 750 volkleur foto's wat met sorg uitgesoek is om die teks te komplimenteer en te illustreer. Die titel bevat ook 'n inleidende afdeling oor die kweek van bome deur saad, steggies en stamsteggies; 'n tabel wat boombenutting deur diere, voels en insekte saamvat; bronverwysings; en 'n indeks van algemene en botaniese name.