Bipolere siekte: Kyk my in die oe - Elsabe Brits

2011 sagteband soos nuut. 160 bladsye. R28 posgeld in SA.  ’n Reguit en insiggewende storie van een mens se pad met bipolêre gemoedstoornis.

Die verhaal speel af teen die agtergrond van ’n besige nuuskantoor waar Elsabé as joernalis werk, onder andere tydens die moord op Marike de Klerk. Elsabé vertel openhartig hoe dié siekte (en mense se reaksie daarop) haar in 2001 platgeslaan het, en hoe sy weer opgestaan en begin loop het – tussen inrigtings, hospitale, breinskokterapie en stereotipes deur.

Haar raak beskrywings laat lesers verstaan hoe dit voel om manies “mal te wees”.

Die boek sal van waarde wees nie net vir diegene wat self aan die siekte ly, hul vriende en familie, en mense in die gesondheidsektor nie – dit is ook ’n meesleurende ware verhaal van wanhoop en ’n nuwe begin.

Oor die outeur

Elsabé Brits is ’n bekroonde wetenskapjoernalis by Die Burger in Kaapstad. In haar boek, Kyk my in die oë, kombineer sy haar skerp wetenskaplike insig met die menslikheid van iemand wat self aan die rand van die afgrond gestaan het.