Boem Boem Ons Gaan Groen vol 3 (DVD)

This item is sold brand new. It is ordered on demand from our supplier and is usually dispatched within 4 - 8 working days

Uiteindelik is Lollos, die SAMA-wenners, se derde DVD hier! Lollos, Minki Burger, Alta Joubert en Disco leer die maatjies om die aarde mooi op te pas, nie rommel te strooi nie en water en elektrisiteit te bespaar. Dit natuurlik als gedurende vrolike liedjies waar almal te lekker saam kan dans.
Daar is negentien snitte op die DVD en soos met Lollos 1 en 2 is daar pragtige en kleurvolle animasie-agtergronde. Elke liedjie het ook heerlike danspassies en oud en jonk sal beslis nie kan stil sit gedurende die DVD nie!
Gedurende Lollos 3 kom kuier daar twee gaskunstenaars: Robbie Wessels sing Skoert Vlieg! en hy maak seker alle irriterende goggas vat sommer vinnig die pad. Die liedjie gaan n treffer wees met n lekker tong in die kies verwysing na die Leeuloop!
Nianell sing die pragtigste wiegelied, Mammas lief vir jou, en haar drieling wat saamspeel gedurende die video maak dit ekstra spesiaal.
Nog liedjies waarna onder andere uitgesien kan word is Liewe Lettie, Boem Boem: ons gaan Groen, Trap Trap Trap en Die aarde kry warm.
Die DVD word gedurende Oktober 2011 uitgereik. Lollos 2 Bons dat dit Gons het in bietjie meer as twee maande Goue status bereik en ons is seker Lollos 3 se verkope sal net so vinnig daar wees!