Boerperd: Die geskiedenis van die S.A. Boerperd - Kobus du Toit

 Boerperd: Die geskiedenis van die S.A. Boerperd - Kobus du Toit - West - 2005 - Hardeband met stofomslag -ligte waterskade meestal aan stofomslag - steeds stewig.

Wat ‘n pragtige, monumentale werk is hierdie publikasie nie… ‘n Knewel van ‘n boek (542 bladsye in A4-formaat) met meer as 320 foto’s, 40 tabelle en 40 ander illustrasies. Gewis sal geen perdeliefhebber Kobus du Toit se lewenswerk kan negeer nie. Dit het vyf jaar geneem om die boek te skryf en een jaar om die uitlegwerk te doen.In hierdie boek word die 350-jaar geskiedenis van die menigvuldige perderasse in Suid-Afrika en wat in die verlede ’n bydrae tot die Kaapse Perd, die Hantam perd, die Basoetoepoon en nou die SA Boerperd gemaak het, deur dr. du Toit geboekstaaf. Sedert 1915 is hierdie boek die eerste omvattende werk wat, op ’n oorspronklike wyse, die historiese en kulturele aspekte van die geskiedenis van die inheemse Suid-Afrikaanse perd boekstaaf. Die SA Boerperd se oorspronklike eienskappe van gehardheid, selfsorgsaamheid, gedienstigheid, betroubaarheid en veelsydigheid het reeds vir die SA Boerperd ’n toenemende gevolg van lojale en entoesiastiese bewonderaars gegee. Hierdie boek sal die SA Boerperd se bewonderaars verder in Suid-Afrika en dwarsoor die wêreld uitbou.