BRINK, Andre P. - 'n Droe Wit Seisoen - (1979 se 2de druk Sagteband)

Boek nog in 'n baie goeie ongemerkte toestand.   >>>    André P Brink het die een na die ander protesboek geskryf tydens die Apartheidsjare waarvan hierdie een was. Om dit nou weer te lees is om in ongeloof te wonder hoe dit gebeur het dat hierdie inligting destyds amper as heiligskennis weerhou was van die Afrikaners. Die boek sluit net nog 'n deel van die verborge geskiedenis oop wat, toe dit die eerste keer in 1979 gepubliseer was, te oorweldigend was om behoorlik ge-absorbeer te kon word. Die boek het nie so opslae gemaak soos sy eerste boek "Kennis van die Aand" nie wat die eerste Afrikaanse boek was wat verban was in die land.   -   As deel van die Sestiger beweging in die Letterkunde, was André P.Brink nooit gearresteer vir sy rebelsheid nie. Omtrent al sy boeke is in meer as dertig tale vertaal, insluitend hierdie een en daarmee is 'n stuk geskiedenis aan die wereld blootgelê wat die Afrikaner op daardie stadium nie beskore was om te ken nie. Dis 'n goeie lees vir diegene wat nie daardie tyd gereed was vir hierdie soort verhale nie maar dit nou beter sal kan verstaan. Veral as 'n mens die letterkundige rebellie wil verstaan van daardie jare.   (Margitte)