BRUGGEN, Jochem van - Op Veld en Rante - (Mooi Hardeband in Stofomslag)

(ONLY 5 BOOKS PER ORDER OR PARCEL ALLOWED) -  Boek en omslag nog baie mooi - 156 pg.    >>>     Van Bruggen skryf ook korter prosa.  In 1914 ontvang hy die tweede prys van die ou Die Brandwag se verhaalwedstryd met Die praatmasjien (waarin Stephanus met hierdie nuwe uitvinding uit die stad die rus op die plaas kom versteur) en in 1916 ken die Akademie n eerste prys aan hom toe vir Oom Jannie of Dis nie goed dat mens alleen bly nie.  Hierdie twee verhale word later opgeneem in die kortverhaalbundel  Op veld en rande, waarin Van Bruggen die leser vir die eerste keer doelbewus aan sy bywonerkarakters voorstel. Dit is veral die mini-novelle Bywoners in hierdie bundel wat beïndruk. Die lot en toestande van hierdie mense word belig, wat ten einde raad n heenkome moet vind óf in die myne, waar hulle gesondheid tot niet gaan, óf op die plase as bywoners. As bywoners is hulle oorgelaat aan die genade van hulle leenheer en word hulle nie as mense geag nie. Dit is veral die karakter Cornelis Sitman wat baie goed uit die verf kom met sy spoggery om sy eie nietigheid te bedek, terwyl hy voortdurend aant planne maak is om uit die werk te kan bly. In beheer is die plaaseienaar Andries Vry, wat as soort vaderfiguur leiding verskaf en later weerklank sal vind in die figuur van kaper Booysen in Ampie. Hierdie bundel bevat ook die geslaagde verhaal Ouboet en die minder bekende verhaal Die Beeswagtertjie.