Deur Die Sterre Gelei

Deur die sterre gelei is die trilogie van Deneys Reitz se drie gewilde boeke wat die gebeure van sy merk-waardige, aksiebelaaide lewe saamvat.
 
Kommando, die eerste boek, is 'n vertelling van Denys se ongelooflike ervarings tydens die oorlog (1899 tot 1902), nadat hy as 17-jarige ewe ongeërg aangesluit het. Kommando, wat in 1929 gepubliseer is toe die depressie op sy ergste was, was dadelik 'n blitsverkoper, en was sedertdien nog nooit uit druk nie.
 
Die tweede boek, Trek Voort is die verhaal van Reitz se stryd as banneling-bittereinder in Madagaskar, waar hy vele ontberinge deurstaan het en goedere met ossewaentjies vervoer het om aan die lewe te bly. 'n Brief van generaal Smuts se vrou het hom oorreed om terug te keer na Suid-Afrika. Deneys het by die Smuts-gesin gewoon terwyl hy van malaria herstel en in Pretoria as 'n regsgeleerde gekwalifiseer het. Die boek beskryf Reitz se aktiewe rol in die onderdrukking van die 1914-rebellie in die Vrystaat, oorlogvoering onder Botha en Smuts in Duitswes en Oos-Afrika, en gevegte in die loopgrawe in Frankryk tot aan die einde van die Eerste Wêreldoorlog, toe hy in bevel van 'n Skotse bataljon was. 
 
Ten slotte fokus Geen Uitspan op Reitz se terugkeer na Suid-Afrika ná die Eerste Wêreldoorlog, sy toetrede tot die politiek, en die voortsetting van sy vreeslose en avontuurlustige lewenstyl as minister van grondsake en bosbou, wat hom in staat gestel het om oor die lengte en breedte van Suid-Afrika te reis. Hy het 'n omgewingsbewaarder geword en was instrumenteel in die totstandkoming van die Nasionale Krugerwildtuin. Hy het ook 'n leidende rol gespeel in die dramatiese kabinetsvergadering wat die Hertzog-regering omver gewerp het en tot Suid-Afrika se toetrede tot die Tweede Wêreldoorlog gelei het. As adjunk- eerste minister het Reitz tydens Smuts se afwesigheid as eerste minister gedien, en interne probleme soos die Ossewa Brandwag hanteer.
 
Kommando, Trek Voort en Geen Uitspan gee gesamentlik vir die leser 'n ongelooflike insig in die gebeure in Suid-Afrika tussen 1899 en 1943 deur die oë van 'n vreeslose Suid-Afrikaanse avonturier wat ook 'n besonder talentvolle skrywer was.