Die Anglo-Boereoorlog 1899-1902 Fransjohan Pretorius

Vanaf 1899 tot 1902 was Suid- Afrika die toneel van meedoenlose botsing tussen een van die wêreld se sterkste moondhede - Brittanje - en die hardneekkige strydmag van twee klein Afrikanerrepublieke, die ZA.R (Transvaal) en Oranje-Vrystaat. Die Boere se vasberadenheid om tot elke prys hul onafhanklikheid te behou, het groot simpatie vir hul saak in Europa en die VSA ontlok.

Hierdie boek skets die verloop van die oorlog vanaf die formele eerste fase tot die guerrillafase van die bittereinders. Daar word ook op individuele aspekte van die oorlog gefokus wat dikwels oor die hoof gesien word. Die illustrasies en teks vul mekaar op n besondere wyse aan om die maatskaplike kompleksiteit van hierdie unieke, profetiese oorlog toe te lig. Daar word stilgestaan by die Boere se ondervinding van die kommandolewe, die Britse soldate se ervaring van die genadelose veld en die rol van swartes in die oorlog n aspek wat eers sedert onlangs aandag geniet.

Die oorgrote meerderheid krygsgevangenes van hierdie oorlog was Boere. Mans en seuns is as ballinge na afgeleë eilande gestuur, terwyl diegene wat met die Britte saamgewerk het as hensoppers en joiners uitgekryt is. Boerevroue en -kinders was egter verreweg die grootste slagoffers van dje genadelose verskroeide aarde-beleid daar is meer as 27 000 sterftes aangeteken in die konsentrasiekampe waar hulle aangehou is.

Daar bestaan min boeke oor die Anglo-Boereoorlog wat soveel treffende kleurillustrasies, swart-en-wit fotos, spotprente en sketse bevat soos hierdie boeiende boek met sy vars benadering.