Die Buffel Struikel

Die Buffel Struikel

ʼn Storie van 32 Bataljon en sy mense

L.J. Bothma

Die boek gaan oor meer as net ʼn geskietery. Dit gaan oor wie ons was, hoe ons bymekaar gekom het, wat ons van mekaar geleer het, wat in die bos gebeur het, ons vrese en verwagtinge, ons trane en blydskap, ons kameraadskap en lojaliteit teenoor mekaar selfs jare nadat die bataljon ontbind is en ons uitmekaar gespat het. Daarom noem ek dit ʼn storie – nie van 32 Bataljon en sy soldate nie – maar van sy mense. Hierdie boek oor die Grensoorlog, wat soos ʼn roman lees, handel oor die geskiedenis van 32 Bataljon en sy mense. Die skrywer vertel onderhoudend van die lotgevalle van die troepe, van hulle swaarkry, maar ook van grappige insidente, noue ontkomings en tragiese voorvalle. Een van die hooffigure is Eddie Viljoen, een van die onbesonge helde van die Grensoorlog. ʼn Bisarre voorval word beskryf waarin oudminister Pik Botha die hooffiguur was. Die ontbinding van die bataljon het groot ongelukkigheid veroorsaak en het daartoe gelei dat ʼn sakkie met dertig silwerstukke aan die destydse staatspresident, F.W. de Klerk, oorhandig is. Die skrywer het deeglike navorsing gedoen en alles wat hy vertel, behoorlik gedokumenteer. Die boek bevat ʼn groot aantal foto’s.