Die Buiter - Gerrie Radlof (1953)

 Die Buiter - Gerrie Radlof (1953) - Tafelberg - Hardeband sonder stofomslag toon ouderdomsverwante verweer - Intern skoon en stewig.

Die klap van flitsende swaarde en twee paar onverskrokke oë wat vol-uit straal met ‘n haat soos net die aristokrasie kan haat; die galante, buigende here van ou Kaapstad; die gemeenheid en woordelose wreedheid van skurke met sy-pofmoue en fluweel-kniebroeke; die donderende hoewe van talle perde in die nag...

Dit is die materiaal van Die Buiter, ‘n avontuurverhaal wat moontlik nuwe standaarde daarstel in Afrikaans.

Wie is die Buiter, wat so skielik kom, so onfeilbaar slaan, kampvegter van die onderdruktes is; verlosser is van burgers wat ly onder die juk van die Kaapse negrofiliste; wat opgeblase, oorryk, ydele hoëlui van hul beursies skei sodat armes en sukkelaars gehelp kan word? Wie is die man wat helderoordag ‘n onskuldige uit die hof op Stellenbosch ontvoer het?

Dieper en dieper trek die Buiter jou die boek binne. Daar is die mooi Rossouw-susters en die Graaf de Moreaux, Jacques en die staatmaker, André. En, soos die verhaal ontplooi, weet jy dat jy nog nie ‘n held soos Die Buiter ontmoet het nie—juis omdat hy nie ‘n onmoontlike held is nie—net ‘n hoflike, adellike, kleurryke nagtelike ruiter wat meisies se harte in hul kele Iaat bly steek en die owerheid aan die Kaap woedend maak.

Mens kon ‘n honderd boeke oor die romantiese ou dae van die Kaap gelees het en dan hierdie een . . . en dit sal voel asof dit die een en enigste is wat jy ooit gelees het—wat ooit nodig was om te lees.