Die Buiter Ry Snags - Gerrie Radlof

Die Buiter kom in die nag uit die skaduwees. Hy word nie gehoor nie en hy laat hom nie keer nie. Hy is sonder uitsondering op die toneel wanneer onreg gepleeg word, en geen booswig ontsnap aan sy waaghalsige metodes van vergelding nie. Maar sou hy iets kon uitrig teen die wanpraktyke van n invloedryke man soos die koloniale sekretaris?

n Onskuldige man sterf teen die hange van Tafelberg omdat hy te veel weet, en n jong damespassasier op n smokkelboot word hulpeloos op die kus by Saldanha agtergelaat voordat die Buitertot aksie oorgaan. Toe dring hy die Kasteel binne en beland in meer as een swaardgeveg. Hy beweeg ongesiens tussen linies soldate deur en huiwer nie om op sy swart hings die see in te jaag toe hy in n lokval gelei word nie. Hy stel sy man aan die kaak, maar word gevang, en sy ware identiteit raak aan n paar skurke bekend.

Sou sy rol nou uitgespeel wees? Sal hy met sy lewe moet boet vir wandade wat hy nooit gepleeg het nie ? Gerrie Radlof vertel nog n opwindende verhaal van die man wat n merkwaardige dubbele lewe gelei het.