DIE BURGER 100. Sy mense en hul stories. 1915-2015

2017. Groot hardeband met stofomslag, 267 bladsye. Goeie toestand. Omslag effens verweer op die rante. Skoon en stewig gebind. 

Danksy die 30 000 koerante wat die afgelope eeu ses dae per week uitgegee is, is Die Burger vandag n huishoudelike naam. Die boek diep van die merkwaardigste gebeure, groot en klein, op wat sy joernaliste beleef het van die Groot Griep en die twee wêreldoorloë tot Chris Barnard se eerste hartoorplanting en Nelson Mandela se afsterwe in 2013. Skandes en skandale, natuurrampe, persoonlikhede in die nuus, belangrike sportmomente die boek is nie net n belangrike optekening nie, maar het ook groot nostalgiewaarde. Die onthou jy nog?-faktor word versterk deur hope fotos én spotprente.

Enkele hoogtepunte:

• Lindie Koorts skryf oor DF Malan, eerste redakteur
• Dana Snyman ondersoek die oorsprong van DJ Opperman se bekende gedig, Klara Majola n Burger-berig in 1950
• Johann Maarman deel sy indrukke van Jakes Gerwel
• Leopold Scholtz beskryf die val van die Berlynse Muur
• Francois Verster vertel van Die Burger se spotprent-tekenaars DC Boonzaaier, TO Honiball en Fred Mouton
• Bun Booyens was in Kazakstan vir Mark Shuttleworth se reis as eerste ruimtetoeris in 2002