Die Eenjaarbybel: Nuwe Testament - Lees die volledige nuwe testament in 365 dae

Daaglikse Bybelstudie is noodsaaklik vir geestelike groei en volwassenheid daaroor is alle geestelike leiers dit eens. Talle Christene is op soek na 'n manier waarop hulle God se lewende Woord sistematies en doelgerig kan deurlees. Die Een-jaarbybel: Nuwe Testament bied aan hulle die ant-woord. Dit voorsien in 'n baie groot behoefte, want: Die Eenjaarbybel: Nuwe Testament is uniek; dit stel die leser in staat om die hele Nuwe Testament sistematies en gerieflik deur te lees. Elke dag is 'n leeservaring vol diepte en verskeidenheid. Dit bevat die hele Nuwe Vertaling van die Bybel (Nuwe Testament) in Afrikaans 'n vertaling wat baie gewild is in Suid-Afrika, omdat dit so duide-lik en verstaanbaar is. Dit bevat ook die boek Spreuke. Elke dagstuk is in drie dele verdeel. Die eerste is 'n gedeelte uit die vier Evangelies, Handelinge of Openbaring. Die tweede is uit een van die Send-briewe, en die derde is 'n kort gedagte uit Spreuke. Na elke Skrifgedeelte (behalwe die deel uit Spreuke), is daar 'n kort Oordenking, wat die leser in staat sal stel om die gelese gedeelte op sy lewe toe te pas. Die Eenjaarbybel: Nuwe Testament kan met groot vrug gebruik word tydens Bybelstudie en persoon-like stiltye. Dit is ook by uitnemendheid geskik vir gebruik tydens huisgodsdiens. Die Eenjaarbybel: Nuwe Testament kan jaar na jaar gebruik word. Die leser kan op enige dag van die jaar daarmee begin, en van daar af voortgaan. Dit is eenvoudig en duidelik uiteengesit. Hardeband Bybelteks en oordenkings

Kondisie: 4