Die A-Z van die Bybel se boodskap oor die eindtyd. 2013 hardeband met 586 bladsye in baie mooi toestand.

Dit is net menslik om nuuskierig te wees oor die eindtyd. Daar is ook gereeld sprake van baie dinge wat mense laat asem ophou. Maar wat se die Bybel, die Woord van ons ewige en troue God, oor die einde van alle dinge? In Die einde fokus Jan du Rand deeglik op die onderwerpe waaroor almal praat, soos: die tekens van die eindtyd; die wederkoms van Jesus Christus; die opwekking van die dooies; die finale oordeel. Talle onderwerpe wat te doen het met die lewe voor die dood word ook aangeroer, soos: die eskatologiese plek en rol van moderne Israel, en die dringende vraag na die regverdigheid van God wanneer soveel "onverklaarbare" waaroms elke dag om ons plaasvind. Die boek sluit af met 'n omvattende onderwerpregister vir maklike naslaan. Die einde is 'n Bybelgefundeerde, gebalanseerde kyk op God se toekoms vir sy kinders sodat gelowiges nou reeds, voor die dood, sinvol kan leef.