Die Elfde Hekkie - P.H. Nortje

Die Elfde Hekkie - P.H. Nortje - Tafelberg - 1999 - Sagteband; een boodskap, verder abaie mooi skoon.

Arnold hardloop met sy oë op die hande van die buitesenter langs hom. Enige oomblik nou gaan Willie laat loop. Opeens flits dit deur sy gedagtes: Hoe hy en sy pa gistermiddag met die bal in die agterplaas gehardloop het... Die lelike glips wat hy netnou sommer met die afskop begaan het ... Die Highveld Blits. Waar’s die nou?

‘n Breukdeel van ‘n sekonde dwaal sy oë van Willem se hande af om te sien waar die opponent is. Die kom voluit aan, soos ‘n stoomtrein, skaars tien tree van hom af.

Toe Arnold weer na Willie langs hom kyk, is die bal nie meer in sy hande nie. Dis reeds in die lug, oppad na hom toe, minder as ‘n tree van sy maag af.

Hy reik verboureerd daarna. Maar net die vingers van sy regterhand kom dit by. Dit skiet vorentoe, skuins voor hom uit, en hy gryp wild ‘n tweede keer daarna. Die keer dobber dit ‘n oomblik op sy tastende vingertoppe en wip dan met ‘n boog na regs, hoog die lug in.

Arnold Hanekom hou nie van rugby nie. Maar sy pa - op sy dag ‘n provinsiale speler - wil hê hy moet speel. En Arnold besluit hy sal hom wys...