Die Fluitende moordenaar & Die Doodkis van Glas - KONSALIK

Die Fluitende moordenaar & Die Doodkis van Glas - KONSALIK - Tafelberg - 1982, eerste uitgawe - 179pp - Hardeband met stofomslag in  baie mooi toestand - Intern skoon en stewig gebind.

Posgeld en verpakking R28.00

Uit Duits vertaal deur Ludwig Visser

Dis koud in die kusdorpie, en mistig. Die bome staan druipnat, die strate is verlate. Teen ‘n lamppaal leun ‘n meisie. Sy kyk op haar horlosie, haal dan rillend haar skouers op. Hy is laat. Dan hoor sy dit. Iewers in die mis fluit iemand ‘n deuntjie - ‘n bekende liefdesliedjie. Dis die teken waarop hulle afgespreek het. So sal hulle mekaar vind indien die mis te dig is. Huiwerig loop sy op die gefluit af, die digte mis in, al verder en verder van die bewoonde gebied af...

Die volgende more trek twee vissers hul net in en vind die koplose lyk van ‘n jong vrou daarin. Vir speurkommissaris Paul Leerdam en sy assistent, Wilm Schouwen, volg weke van slapelose nagte terwyl hul vergeefs probeer om die fluitende moordenaar vas te trek. Hulle volg die een leidraad na die ander op, maar beland telkens in ‘n doodloopstraat. Intussen sit die moordenaar onder hul neuse vir hul en lag en word die een jong vrou na die ander op diesefde grusame wyse vermoor.

Maar dan gryp die noodlot in en die speurders kry die kans waarop hulle so gehoop het. Die moordenaar begaan n fout : hy reë ‘n ontmoeting met die verkeerde persoon...

Die fluitende moordenaar is ‘n speurverhaal van Konsalik wat ‘n mens nie kan neersit as jy eers begin lees het nie.