Die Gésel van Namaland deur WAD de Klerk

Ou skoolhandboeke - potlood aantekeninge in die boek

Hardeband - baie goeie toestand

1969 (10de) druk

In die voorwoord skryf die skrywer:
HIER is die verhaal van Jan en Wynand Maree en ,,hulle nooientjie” want, soos julie nog sal sien, hulle was tweelingbroers en Anneke kon nooit heeltemal besluit van wie sy die meeste gehou het nie. Dit wil sê, tot daardie vreeslike dag toe ...

Maar nee, ek gaan nie die verhaal hier vooruitioop nie. In hierdie ,vooraf’ wil ek liewers net sê dat die verhaal oor hierdie drie kinders van die veld gaan — oor hulle en hulle heldemoed. Dit is ook die verhaal van hulle makkers, van On Meester Kooy, van oom Maans en tant Mynie — al die mense wat daardie bewoë dae daar in die laertjie te Kub deurgebring het.

Les bes is dit ook die vertelling van een van die mees verbete en aangrypende veldtogte in ons hele volksverhaal — die stryd teen die groot Hottentotleier, Hendrik Witbooi: die Gésel van Namaland.

Daar in die perkelose Suide van Suidwes het hy aan die begin van hierdie eeu ‘n skrikbewind gevoer soos ons ou land nog maar min gesien het.

Dit is juis sonderling dat so min van ons mense in die Unie daarvan weet. Ja, ook vir my het dit as ‘n openbaring gekom toe ek die eerste maal daarmee kennis gemaak het. Saans voor die kaggel of bedags in die gawe wintersonnetjie het ek geluilter na al die vertellings. En toe ek eindelik weer terugkeer na die stad, het ek my voorgeneem dat ek eendag hierdie dinge aan julle moet verhaal.

Waar sal ons dan begin? Kom kyk nou eers bietjie na die kaart van Suidwes-Afrika. Hier lê dit nou voor ons — sommer ‘n tamaai stuk aarde...