Skrywer: Francine Rivers
Formaat: Medium Sagteband
Toestand: Baie Goed
Francine Rivers se tweede boek in die Manne van geloof-reeks vertel die verhaal van Kaleb, 'n man van durf en daad wat harte aangevuur het. 'n Man van aksie wie se dapperheid lewens gered het. 'n Man van geloof wie se passie hom na God gedryf het.
Beste Leser
Hierdie boek is die tweede van vyf oor Bybelse geloofs-manne wat in die skadu van ander gedien het. Al was hierdie manne van Oosterse afkoms en het hulle in antieke tye geleef, het hulle verhale betrekking op ons eie lewe en op die moeilike kwessies waarmee ons vandag steeds worstel. Hulle was die pasaangeërs. Hulle was heldhaftig. Hulle het gewaag. Hulle het die onverwagte gedoen. Hulle het 'n uitdagende lewe gelei en soms foute gemaak; groot foute. Hierdie manne was nie volmaak nie, en tog het God hulle in sy oneindige genade in sy volmaakte plan gebruik om Hom aan die wêreld bekend te maak.
Ons lewe in moeilike, deurmekaar tye waar miljoene mense na antwoorde soek. Hierdie manne wys vir ons die weg. Die lesse wat ons by hulle kan leer, is vandag nog net so relevant as toe hulle duisende jare gelede geleef het. Hierdie manne het werklik geleef. Die verhale wat ek geskryf het, is op Bybelse gebeure gegrond. Vir 'n meer volledige verslag van Kaleb se lewe kan jy gerus na Numeri, Josua en die begin van Rigters gaan kyk.
Hierdie teks is ook 'n historiese roman. Die raamwerk is deur die Bybel voorsien, en ek het die feite wat daarin verskaf word, as basis gebruik. Die verhaal is verder uitgebou deur handeling, dialoog, interne motiverings en selfs addisionele karakters wat met die Bybelse gebeure ooreenstem. Ek het te alle tye aan die skriftuurlike boodskap getrou probeer bly, en slegs byvoegings gemaak wat sal help om ons begrip van die boodskap uit te brei.
Aan die einde van elke boek is 'n kort studiegedeelte ingesluit. Die uiteindelike gesag oor die mense van die Bybel berus by die Bybel self. Ek wil jou aanmoedig om dit te lees om 'n dieper insig te verkry. En ek bid dat wanneer jy die Bybel lees, jy bewus sal word van die deurlopendheid, koersvastheid en die bevestiging van God se plan vir die mensdom, 'n plan wat jou insluit.
Kaleb het God se opdrag in Deuteronomium 6:5 uitgeleef: "Jy moet die Here jou God liefhê met hart en siel, met al jou krag." Mag ons hierdie selfde passie en oorgawe toon in ons navolging van ons Here en Verlosser, Jesus Christus.
Description of book condition:
New Brand new and unread book.
As New A secondhand book that can easily pass for a new one.
Very Good Book is in great condition with only a minor blemish here and there.
Good Book shows visible reading wear but nothing serious.
Fair Book shows clear and more significant wear, especially on the cover, but is still solid and intact.
Worn Book shows severe wear and tear while still being intact (commonly known as a "reading copy"). Worn books are still good perfect for a good read, all pages will be intact with none threatening to fall out.
