Die Laaste Vrees - Adriaan Snyman

Die Laaste Vrees - Adriaan Snyman - Human & Rousseau - 1985, eerste uitgawe - 296pp - Harde glansblad in baie mooi toestand.

Posgeld en verpakking R30.00

Die verhaal speel af teen die agtergrond van die dramatiese, aangrypende en bittere stryd van die Poolse partisane aan die einde van die Tweede Wêreldoorlog om hul land van die Duitse juk te bevry. Die Geallieerdes, onder wie ‘n groepie Suid-Afrikaanse vlieëniers wat inItalië gestasioneer is, vorm ‘n hangbrug om die Pole te hulp te kom, en gooi op Britse versoek voorrade in Warchau af. Van die Suid-Afrikaners word tydens een van die vlugte afgeskiet en doen noodgedwonge ‘n noodlanding agter die vyand se linies. So raak hulle ten nouste betrokke by die stryd in Pole.

Die verhaal is op werklike gebeure gegrond en word voortreflik en met volgehoue spanning vertel. Dit is ‘n verhaal van liefde en haat, en veral van die wreedheid, verraad en bedrog wat deel vorm van enige oorlog, soos dit ervaar word deur Walter Hansen en Wandunia Nowak, die Poolse meisie op wie hy verlief raak. Tog, ten spyte van die lyding en ellende, bly dit ‘n diep menslike verhaal wat die leser tot die einde sal meevoer.

Inhoud:

• Voorwoord
• DEEL 1: Onder vreemde sterre
• DEEL 2: Nagbrug na Warchau
• DEEL 3: Puinhoop van herinnering
• DEEL 4: Slagveld van eer
• Epiloog