DIE NASIONALE PORTRET BOEK VAN WAAKERS, LEIERS, STRYERS EN LYERS deur A B de V Pickard (GETEKEN)W

Sagteband, kramgebind. Die krambinding is stewig. Uitgegee deur die skrywer/samesteller A.B. de V Pickard. Die maroen buiteblaaie is verweer en het skade aan die rugkant, bo en veral onder. Die titel op die voorblad het verbleik. Bladsye 63 tot 72 het 'n vlek aan die boonste hoek. 'n Ligter vlek is vanaf die titelblad ook aan die  boonste voorste hoek sigbaar. Dit word geleidelik dowwer totdat dit weer op die laaste paar bladsye sigbaar is. Die kleur van die vlek lyk asof die boonste hoeke van die buiteblaaie op 'n stadium nat geword het en op die ander blaaie afgegee het. Op die keersy van die titellblad is 'n gedrukte geskenkinskripsie. Die naam van die ontvanger is in ink ingeskryf en die skrywer/samesteller het dit geteken. Die lesers word voorspoed toegewens vir die jaar 1917. Die boekie het dus in 1916 of vroeg 1917 verskyn. Die foto's in die boek is mooi duidelik. Sien my foto's vir toestand en inhoud. Geen oorsese versending.