Die nege kerse van Magriet

Skrywer: Barend PJ Erasmus

Formaat: Groot Sagteband

Toestand: Baie Goed

Die nege kerse van Magriet is 'n roman oor 'n toekomstige Suid-Afrika. Die Magriet van die titel is die vrou van Werner Jansen en die verhaal speel oor verskeie geslagte van die Jansen-familie af, terwyl die nege kerse verwys na die aantal naasbestaandes van Magriet wat omkom in die stryd teen ongeregtigheid in Suid-Afrika. Werner is eers diplomaat en later lid van die beweging wat die apartheidsregering in Suid-Afrika tot 'n val wil bring en sodoende 'n nuwe en beter toekoms vir al sy mense wil verseker, maar word eindelik deur die organisasie self verraai.

Sy seun Freek sweer wraak en word eindelik leier van 'n ondergrondse terreur-organisasie (geborg deur Westerse regerings) wie se doel dit is om Suid-Afrika onregeerbaar te maak sodat dit nie 'n veilige hawe word vir internasionale terroristebendes wat korrupte regerings omkoop en sodoende 'n vastrapplek verkry nie. Die lede word hoofsaaklik gewerf onder Afrikaners wat geliefdes in geweld in die land verloor het.