Sagteband in baie goeie toestand.

"Suid-Afrika staan in die wêreld bekend as een van die rykste lande op die kontinent van Afrika. Hier regeer die Afrikaanssprekende blanke. Aangedryf deur 'n eksklusiewe kultuur glo baie van hulle, hulleisenigen van die beste mense op aarde. Apartheid is hul leuse, geloof en lewe. Talle van hul predikante wat aan die sogenaamde vertroulike Afrikaner-Broederbond behoort, is volgens hulle die ware geloofsvertolkers. Hulle beskou hulle as die kerngroep agter die regeerders en die wagters oor die heil van die Afrikaner. Terwyl 'n regter die oggend voor elfuur op 'n rots sit en oor die see tuur, praat iemand agter hom. 'n Skraal man met 'n donkerbril en in 'n spierwit baadjie, wit broek, wit hoed met 'n swart band, wit sokkies en swart skoene uitgevat, wat die indruk gee dat hy op 'n afstand wil bly en nie met die sand en water wil kontak maak nie, vra asof hy veel van die regter weet: "Wat, het u ook as verlore Afrikaner hier saam met die verdwaaldes, Jingo's, Koelies en Kaffers 'n vakansierus gevind?" Die regter swaai ietwat verbaas om. Hy het die persoon nie geken nie. "Ek het maar net vir 'n paar dae 'n bietjie vars lug aan 'n strand in die 'Beloofde Land van die Voortrekkers kom soek. Wie is u om so te praat?" "In elk geval 'n vertroulike gesuiwerde Afrikaner", antwoord die spreker afsydig. Hy haal 'n silwer muntstukkie uit sy sak en skiet dit tussen sy duim en wysvinger weg in die see. "Daar trek u!" sê hy en draai in sy spore om. Die muntstukkie plof met 'n "ilk" geluidjie op 'n rots in die see soos met 'n stemmetjie van verset. Die geklots en bruising van die see neem oor en die regter dink en dink, soos die see 'n mens maar altyd laat dink as jy by hom is. Hulle is met blindheid geslaan, hulle moet maar oppas as die verdruktes eendag aan bewind kom." -Ballitobaai, 3 Januarie 1981.