Main centres: | 1-3 business days |
Regional areas: | 3-4 business days |
Remote areas: | 3-5 business days |
Die verhaal van 'n Sandveldvrou. BITTER HEUNING. Hermione Suttner
2011. Sagteband, 354 bladsye. Baie goeie toestand. Minder as 1kg.
Hermione Suttner het meer as vyf-en-twintig jaar geskryf en geskaaf aan die verhaal oor die lewens van die Brandts van Weglopersheuwel in die Sandveld van die Wes-Kaapse kusstreek voordat dit die lig gesien het as Bitter Honey.
Linda Rode het dit meesterlik vertaal as Bitter Heuning - die verhaal van ‘n Sandveldvrou. Die roman is losweg gebaseer op die waarheid en vertel die verhaal van ‘n gesin se swaarkry onder die irrasionele, selfsugtige, genadelose en gewelddadige optrede van Jakob Brandt, die patalogiese hoof van die huis wat hulle drome en lewens vernietig. Maar dit vertel ook die verhaal van die liefde tussen Mara en Theunis - dié liefde wat haar pa met alle mag en geweld wou uitwis, maar wat nou in boekvorm neerslag gevind het en sal bly voortleef. Hooftemas wat die gasspreekster, me. Marie Hangelbroek, bespreek het, is ontheemding en die soeke na liefde en ‘n holte vir die hart en voet, dit is by uitstek ‘n kontreiverhaal, maar ook ‘n swerfroman in ‘n letterlike en figuurlike sin. Nog ‘n belangrike tema word deur Mara se oudste seun Hugo verwoord wanneer hy sê: “Een mens se lewe beïnvloed ‘n ander s’n vir altyd.” Suttner se karakters is geloofwaardig en haar uitbeelding van die natuur, plantegroei en streektaal is pragtig. Haar beskrywing van die mense van die Sandveld met hul gebruike, bygelowe en taal is oortuigend en wys dat sy die streek baie goed ken en lief het. Die einde van die boek is verrassend en slim en ‘n genade na al die bitterheid.