Main centres: | 1-3 business days |
Regional areas: | 3-4 business days |
Remote areas: | 3-5 business days |
'n Reeksmoordenaar bedwelm sy slagoffers, bring hulle dan by om hulle dood te martel. Almal vroue, almal twintig jaar oud. En dit is juis tydens die sestiendaeveldtog om geweld teen vroue en kinders te beveg. Die forensiese sielkundige doktor Olaf Demeyer staan die staat by in hulle ondersoek. Maar 'n paar dinge bemoeilik sy taak. Al die slagoffers het 'n verbintenis met hom, verlangs of ongemaklik na aan hom. Sy vrou, wat haar aan drank en blykbaar ook ander mans vergryp, sterf op 'n sinistere wyse voor sy kamerdeur. Hy en sy dogter is dadelik onder verdenking. Terselfdertyd voel hy skuldig oor sy gevoelens vir die polisiekaptein Jasmyn.
Toe die moordenaar se sistematiese plan uiteindelik vir hom begin vorm aanneem, besef hy sy dogter is vir seker volgende in die visier. Wat hy nie weet nie, is dat sy intussen met haar eie speurtog begin het, wat haar meer as blootstel aan gevaar ...