2023 sagteband met 256 bladsye in mooi toestand.

Anelia Heese hervertel die rou en soms skokkende stories van Suid-Afrikaanse mans wat in die 1970's en 1980's verplig is om weermagdiens te doen. Sy gesels onder meer met die bekroonde joernalis Murray La Vita, die skrywer Deon Lambrecht, genl. Roland De Vries, en talle ander oor wat hulle destyds deurgemaak het. Die meeste dienspligtiges was eintlik maar nog seuns toe hulle gedwing is om aan te tree en hul hare onseremonieël afgeskeer is.
Hulle praat hier eerlik oor patrollies in die townships, die eerste kontak, die eerste keer toe iemand 'n makker verloor het, hoe sommige terrie-ore versamel het, en die interne stryd wat dikwels agterna gevolg het.
Anelia vra soms ongemaklike vrae om haarself en ander, veral jonger Suid-Afrikaners, te help sin maak van diensplig en die nadraai daarvan. Bowenal wie nou eintlik die vyand was, en wat dit beteken om jou land te dien . . .