DJ OPPERMAN - HEILIGE BEESTE veroorsaak opskudding - BEKROON MET HERTZOG PRYS 1947

Opperman het in 1945 met die bundel Heilige beeste gedebuteer. Die bundel is in 1947 met die Hertzogprys bekroon. Sy diepe gevoel van verbondenheid met die lotsbestemming van die Afrikaner vind neerslag in hierdie bundel. Gedigte oor sy ervaringe as kind in Natal en ook sy kennismaking met die Zoeloekultuur word ook in hierdie bundel aangetref. As 'n mens na D.J. Opperman se taal- en beeldgebruik kyk, kan jy maar net met prof. G. Dekker saamstem as hy sê: ''Opperman sing nie, hy praat in 'n sterk, beeldende styl. Die beelde is hard, aards en kantig.'' In die gedig ''BOER'' word met die tipografie geëksperimenteer. Dit dra by tot die dramatisering in hierdie gedig, wat begin by 'n enkeling, totdat die hoogtepunt in die nasie bevestig word. Ook vind hier progressie van die algemene na die besondere, en omgekeerd, plaas.  Heilige beeste 'veroorsaak,opskudding in Pietermaritzburg want hier was vir die eerste keer 'n Afrikaanse digter wat met 'n Natalse verwysingsveld gewerk het,'' sê Kannemeyer.  KLEINBOER: Vroeg Saterag as die koekoekhaan kraai, sing ek bo-op my karretjie gelaai met wortels en koolkoppe; maar swyg met bitter haat as ek saans huistoe draai. UIT BOER Hy stap van soggens vroeg agter vier osse en die ploeg, om aarde, son en wind en reën in mielies te verbind; in ryke saad waaruit fabriek en stad en  nasie spruit. 

Opperman, D.J.: Heilige Beeste, Kaapstad, 1947 (tweede druk) – Goeie kondisie , skoon wit bladsye goed gebind, Oorspronklike stofomslag wys min tekens van gebruik.  Netjiese inskripsie op eerste endbladsy,  89 bladsye + inhoudsopgawe.  

Sien ook sewester en Senior Verseboek, Vergelegen op kingmidasgold2 van dieselfde skrywer.