Doen Dit Self deur Rod Baker Hardeband

’n Volledige huisgids vir die Suid-Afrikaanse selfdoen-entoesias. Die afdelings sluit in: * Veiligheid en noodhulp: voorsorgmaatreëls teen brand-, elektrisiteits- en kragtoerusting-ongelukke, ens., en hoe om verskillende tipes wonde en beserings te behandel; wat om te doen in gevalle van versmoring en verstikking, harsingskudding, hartaanvalle, slangbyt, vergiftiging, ens. * Algemeen: in hierdie afdeling kan jy leer hoe om elektriese ware te herstel, tydelike herstelwerk aan jou motor se verkoeler te doen, kasdeure reg te stel, verskillende items in die huis te herstel of skoon te maak, kleefmiddels effektief te gebruik, ’n afgebreekte sleutel uit ’n slot te kry, ’n gebreekte baksteen te vervang, ’n prentraam te herstel, ’n kraanwaster te vervang, teëls te sny, netjiese gate te boor, om die handvatsels van deure te verf, en hout te skuur om maar net ’n paar dinge te noem! * Huis: hope advies en instruksies oor tapyte, vloere, meubels, verhuising, dakke, sekuriteit, ens. * Tuin: van die voorkoming van gronderosie en die lê van plaveisel, tot tuinplae, giftige plante en swembaddens! * Adreslys: ’n uitgebreide lys kontakbesonderhede van instansies waar die leser gespesialiseerde hulp kan soek, met ruimte om ook self belangrike nommers in te vul.