Dot Serfontein Omnibus

Skrywer: Dot Serfontein

Formaat: Groot Sagteband

Toestand: Baie Goed

Tiendes van anys

Chris meen hy ry net saam met 'n ou man na vriende se plaas toe om 'n bok te skiet vir die kerkbasaar. Maar hierdie jagtog verander sy lewe onherroeplik. Die enigste boere op hierdie plaas is drie susters, en die oudste suster Elba - 'n sterk, onpeilbare en pragtige vrou - het 'n ontstellende uitwerking op Chris se gemoed. Elba het egter nie tyd vir 'n man nie, veral nie vir 'n dominee nie. Selfs al sou Chris haar liefde wen, is dit die laaste vrou wat sy gemeente as 'n pastoriemoeder sal aanvaar, en hulle maak dit ook gou duidelik. Elba en haar twee susters het elk 'n ander moeder, en hulle vader was met net een van die drie getroud. Die verhaal speel laat 1950, vroeg 1960 af.

Onder dieselfde ster

Hannie is in matriek, 'n kranige perderuiter, en haar sterk persoonlikheid staan vir min dinge terug, maar haar lewe is nie so sonnig as wat dit lyk nie. Haar pa is glad nie gediend met haar liefde vir die bywonerseun nie. En ernstiger: Haar onderwyser kan nie sy hande van hierdie pragtige meisie in sy klas afhou nie en in die tyd van ons verhaal, was dit nie die soort dinge waarvan mens jou ouers kan vertel nie.