Egmond Ongevraagde "Ritmes"
Check my rate
| Main centres: | 1-3 business days |
| Regional areas: | 3-4 business days |
| Remote areas: | 3-5 business days |
Product information
Een middag in Junie 2012, terwyl Egmond 'n tweet uitgestuur het oor demos waarop hy afgekom het, word die idee vir die Ongevraagde "Ritmes" EP gebore. "Na die debuut album het werk begin vir die opvolg studio album Vuil Wasgoed. Maar ek het skielik verhuis kort nadat die eerste single vir daardie album uitgereik was. Planne vir die verdere opnames van Vuil Wasgoed was onverwags vir 'n wyle op ys geplaas en ek was baie depressief daaroor."
"Ek het toe op 'n dag afgekom op 'n boks vol demos." 'n Handjie vol ongebruikte en alternatiewe weergawes van snitte op die debuut album het Egmond se oog gevang en gesmeek om bekend gestel te word. Na 'n klomp e-posse Suid Amerika toe vind die EP vorm en word Ongevraagde "Ritmes" in Julie 2012 aangekondig op Facebook as 'n nuwe opkomende uitreiking.
Die eerste single wat uitgereik was heet Ongelooflik (Arnaldo Suarez Remix). Die liedjie verskyn in 2 vorms op die EP. 'n Tweede single, Jy's In My Bloed, spog met die stem van die superster Glenda Millar van Clout. Die idee van die EP was om luisteraars 'n alternatiewe kyk te gee op die debuut album. Ongelooflik, wat oorspronklik deel sou vorm van die debuut album maar later verwyder is, rond die 6-stuk EP af wat bestaan uit 'ander' weergawes van Egmond se liedjies wat nog nooit voorheen beskikbaar was nie.
Die "Deel 2" van Dis Elektries is 'n solo 'house' weergawe wat reeds in 2007 opgeneem is, maar onttrek is van die debuut album nadat die snit in 'n duet verander is met Yolandi. Nog 'n snit wat aandag trek op die album is die insluiting van die voorheen onbeskikbare solo weergawe van Brug Lelies. Na die sukses van Dis Elektries (feat Yolandi) het 'n nuwe weergawe van Brug Lelies verskyn op die album met Yolandi ook deel daarvan. Die juweel het dus verdwyn vir 'n tydjie maar het te danke aan die Ongevraagde "Ritmes" EP uiteindelik sy plekkie in die son gekry.
TRACKLISTING
1) Ongelooflik (Arnaldo Suarez Remix)
2) Dis Elektries [Deel 2]
3) Jy's In My Bloed (ft Glenda Millar)
4) V'more [Extended Weergawe]
5) Brug Lelies [Solo Weergawe]
6) Ongelooflik (Ruddha.Com Mix)