- Vrou uit die nag

Saailaagte, 'n stille stofdorpie op die vlaktes van die Vrystaat… totdat die aankoms van die vrou uit die nag die dorp se skindertonge laat gons. Naomi Louw glo in niks, voel niks, wil net vlug en vergeet. Maar geen mens is 'n eiland nie. En die warrelwinde in haar siel kry die spore van die predikant en sy parmantige dogter, Betsie, nie uitgewis nie.

- Skynglans van die maan

Elke vesel in Deidre Retief se liggaam is toegespits op die hoë, suiwer nooit. Die orkes bars los met die slotakkoord. Dan versplinter die rou wanklanke soos fyn skerfies glas in haar keel. 'n Ster verskiet…
Pynliker nog is die eggo van Neil Maritz se voorspelling: Hard-loop maar agter die skynglans van die maan aan - dis bar en bitter eensaam daar.
Kan die blaasvlam van die lewe al die splinters van haar hart weer aanmekaarsmelt in 'n mosaïek van sin en liefde?

- Ontsluit die grendels

Watter toekoms wag op 'n tronkvoël wat na twee lange jare uit die kou mag vlieg? Belinda Bekker se paadjie is egter uitgekap. Sy sal antwoord op die advertensie vir 'n babawagter, geskryf deur ene regter Claudius van Biljon - dié regter wat haar as medepligtige in 'n dwelmsaak gevonnis het. Al was sy onskuldig. Maar lank voordat klein Mandatjie ontvoer word, besef Belinda dat liefde altyd 'n vrou se wraakplanne laat boemerang