Skrywer: Ena Murray
Formaat: Groot Sagteband
Toestand: Goed
Soms gaan die liefde hand aan hand met verraad...
Seile op die horison
Angelique Viret, diensmeisie van die adellike Jeanette du Val, word omgekoop om in die lelike eendjie se plek na die goewerneursbal vir die markies te gaan. Die beloning? Haar vryheid...
Op een voorwaarde: Aspoestertjie mag geen drome oor 'n prins op 'n wit perd koester nie. Sy is bloot die pragtige, vurige pion in die gravin se hande om markies Claude le Grand vir haar eie dogter aan te keer. Maar wat gaan die loon vir hierdie verraad wees?
Bedrog bly nooit ongestraf nie - maak nie saak uit wie se hand die straf kom nie.
Satan van Zimbabwe
Dit het alles begin by daardie koerantberig oor die bloedlose lyk met erg verswakte organe. Kan dit die volmaakte moord wees? Of is daar bonatuurlike kragte ter sprake?
Bloedhond Gustaf Lenard volg hierdie bloedlose spoor na Ruined Paradise, gasteplaas van Phil en Nina Andrews in Zimbabwe, waar deurwinterde misdaadverslaggeefster Sandra Steyn toevallig kom vakansie hou. Êrens, verskuil in die mis tussen die mistieke ruïnes, lê die antwoord op al die raaisels. Êrens in die hart van die makabere murasies, wag dit op hulle - Satan self.
Reënboog van koraal
In die idilliese koraaltuin van Inhaca, eilandparadys oos van Maputo, skuil 'n seekat met gevaarlike tentakels - in die vorm van Hilda Turner. Hoe kon Estelle ooit droom, toe sy in die dartelende Crystelle se plek na Inhaca moes vlieg om die kastaiings vir haar identiese tweelingsuster uit die vuur te gaan krap, dat dié paradys ook 'n slang het?
Haar opdrag is eenvoudig: Verbreek Crystelle se verlowing met Hein Albrecht en gee die knewel van 'n verloofring terug. Maar die noodlot skommel soms die slimste kaarte deurmekaar. Min het Estelle kon weet sy moet Hein se ouer broer, Chris Albrecht, nie onderskat nie...
Description of book condition:
New Brand new and unread book.
As New A secondhand book that can easily pass for a new one.
Very Good Book is in great condition with only a minor blemish here and there.
Good Book shows visible reading wear but nothing serious.
Fair Book shows clear and more significant wear, especially on the cover, but is still solid and intact.
Worn Book shows severe wear and tear while still being intact (commonly known as a "reading copy"). Worn books are still good perfect for a good read, all pages will be intact with none threatening to fall out.
