Francois Bloemhof - RooiLuiperd

Rooi Luiperd - Francois Bloemhof - Human & Rousseau - 2008, eerste uitgawe - 197pp - Sagrteband soos nuut.

Francois Bloemhof is moontlik een van die beste en mees produktiewe skrywers in Afrikaans.

Ja, François Bloemhof bring nog ʼn meesterstuk na die Afrikaanse literêre toneel, en terselfdertyd ʼn huldeblyk aan die skrywer van die James Bond-reeks, Ian Fleming. Om dié rede is die boek geskryf om ooreen te stem met die 100ste verjaarsdag van Ian Fleming.

François Bloemhof poog in die boek om ʼn Afrikaanse James Bond te skep, met ietwat meer spanning en intrige as die oorspronklike James Bond-boeke. En hy kry dit beslis reg!

Die geheime agent, Die Rooi Luiperd, is dood. Hy was deel van die Groot Vyf, die top agente in Die Fabriek - Suid-Afrika se eie CIA. Die Fabriek kies dus twee van die bestes en gee hulle opdrag om die raaisel van die Rooi Luiperd op te los. Die een wat eerste die saak oplos, is die nuwe Rooi Luiperd.

So moet Ngwenya en Steyn kompeteer vir die topposisie, en hulle vriendskap word tot die uiterste getoets.

Alles dra by tot ʼn spannende boek met ʼn verrassende klimaks. En, alhoewel die dialoog in sekere dele effens geforseerd voel, beveel ek die boek beslis aan vir aanhangers van François Bloemhof.

Francois Jansen van Vuuren