Frik: Die Outobiografie van 'n Legende - Chris Schoeman

Frik: die Outobiografie van 'n Legende met Chris Schoeman - Voorwoord deur Colin Mead - 2004, eerste uitgawe - Don Nelson, Cape Town - 255p - Sagte glansblad in baie goeie toestand -  Swart en wit foto's en indeks - Intern skoon en stewig gebind.

Frik is die outobiografie van een van die land se grootste sportlegendes en jarelange held van Loftus Versfeld, Frik du Preez. Frik is in 2000 aangewys as Suid-Afrika se speler van die eeu en was die eerste Suid-Afrikaner saam met Danie Craven om in die beroemde Hall of Fame vereer te word. Met 111 wedstryde vir Noord-Transvaal en 38 toetse en 49 toetswedstryde vir die Springbokke het hy van 1958 -1971 diep, diep spore in Suid-Afrikaanse rugby getrap. Maar dit was ook as mens en een van die groot karakters van die spel dat Frik se gewildheid tot vandag voortleef.

In Frik gesels hy in sy kenmerkende kleurryke taal oor:

• sy jeugjare in die Bosveld en Blou Bul- en Springbokdrome

• sy twaalf seisoene van dan bo, dan onder, in die Groen en Goud

• hoe hy destyds deur SA rugbybase "geswartlys" is

• die Curriebeker en die dag toe hy ge-drop, ge-place en ge-score het

• groot rugbygeeste soos Dok Craven, Louis Luyt en Buurman van Zyl

• opspraakwekkende gebeure tydens die Blou Bulle presidentsverkiesing in 2001

• die room van SA rugby en die heel grotes van sy tyd

• die spel in sy tyd en in die moderne era

• die stand van SA rugby en die dinge wat pla