Gee my die herinnering

Skrywer: Ela Spence

Formaat: Medium Hardeband

Toestand: Goed

Madeleine Henning was gelukkig op Wilgerpoort, haar oom en tante se plaas, waar sy n haar ouers se dood gaan woon het. Daar het Fred Viviers, die vooruitstrewende jong boer, dikwels vir haar kom kuier, want hy was verlief op haar. Haar oom en tante het baie van Fred gehou, maar vir haar was Fred net 'n goeie vriend ne niks meer nie. Die rustige gang van haar lewe is skielik versteur toe Casper Minnaar, die sjarmante jong prokureur, haar voete onder haar uitgeslaan het. Vir die eerste keer in haar lewe was sy verlief, maar haar oom het nie van Casper gehou nie. Hy het iets donkers in die jong prokureur se o gesien, en toe sy aangekondig het dat sy met Casper gaan trou, was haar oom en tante glad nie ingenome daarmee nie. Maar sy was verlief en gelukkig totdat . . . Twee rampe het haar byna gelyktydig getref, en sy was gebroke en verbitterd. Toe het sy vir dokter Jan Walters ontmoet, en in Monsmare, die rustige oord by die see, het dokter Jan haar gehelp om haar ewewig te herwin en weer geluk te vind. Soos gewoonlik, vertel Ela Spence 'n verhaal van menslike lief en leed met die boodskap dat liefde en geloof altyd sevier.