Geheim van die Renwoud

Skrywer: Pieter Pieterse

Formaat: Medium Hardeband

Toestand: Baie Goed

Voordat Kleinsaag gekom het, het ou Sagarias alleen in sy grashut diep in die renwoud op die stukkie niemandsland langs die spoorlyn gewoon. Hy glo as mens niks het nie, kan jy ook niks verloor nie. Dan bring die man wat Maria van hom af weggeneem het, haar kind vir hom. En saam met die renwoud word hierdie kind vir sy oupa die lewe.

Dit is egter nie net Saag wat sy intrek by ou Sagarias neem nie, maar ook Lekoya, die bosvarkbeertjie, Spook, Bokkie en die nagaap. Stientjie van die bosboustasie neem ook haar intrek - in Saag se hart.

Maar Geheim van die Renwoud handel nie net oor die stukkie renwoud en sy bewoners nie: dit handel ook oor eienaarskap en die relatiwiteit daarvan, verlies - en die meedonlose onafwendbaarheid van lewe en dood.