Main centres: | 1-3 business days |
Regional areas: | 3-4 business days |
Remote areas: | 3-5 business days |
Geschiedenis v.d. Kaap de Goede Hoop - 1825 - door Mr. J. SUASSO de LIMA
Inleiding
Josph Suasso de Lima (1791-18580. 'n bekeerde Jood, is in Amsterdam gebore en het hom in 1818 in Kaapstad gevestig nadat hy eers in Amsterdam en later in Nederlandses-Oos-Indië werksaam was.
Hy was klein van persoon en onaansienlik van voorkoms, met min besigheid vernuf sodat hy dikwels bankrot was. Sy optrede het hom baie vyande besorg, veral Charles Etienne Boniface met wie hy herhaaldelik in 'n twis skrywery beland het, maar hy het ook baie goeie vriende gehad
Hy was 'n veelsydige man wat op baie gebiede pionierswerk verrig het. Met sy uitgebreide kennis van tale, was hy vertaler en tolk, maar hy was ook onderwyser, drukker, uitgewer, boekhandelaar, skrywer, digter en joernalis. So het hy die eerste Hollandse koerant aan die Kaap, De Verzamelaar, in Januarie 1826 begin en het ook 'n hele reeks almanakke uitgegee nl. die Kaapsche almanak en naamboek en die Kaapsche zak almanak.
Van 1823 tot ongeveer 1827 was hy verbonde aan die Evangelies-Lutherse Hoofskool aan die Kaap en dis gedurende diè tydperk dat hy hierdie geskiedenisboek geskryf het. Destyds was ie kritiek daarop dat dit vol onwaarhede, "kreupel geschrijf ... beneden all critic" was, waarskynlik omdat dit so partydig vir lord Charles Somerset was. F.C.L. Bosman in sy Drama en Toneel in Suid-Afrika (bl.259) beskou dit egter as 'n belangrike werkie omdat dit die eerste geskiedenisboek was wat in Suid-Afrika uitgegee is en die vorm van vraag en antwoord dit vir die kinders maklik gemaak het om daaruit te leer. Vir ons dae is dit weer van groot waarde uit 'n kultuur-historiese oogpunt.
D.E. SMIT