Similar products
| Main centres: | 1-3 business days |
| Regional areas: | 3-4 business days |
| Remote areas: | 3-5 business days |
Geskiedenis Van Suid-Afrika - Van Voortye Tot Vandag - Fransjohan Pretorius - 2012 - Tafelberg - Harde glansblad in mooi toestand.
Wie was die eerste mense van Suid-Afrika? En wie het daarna gekom? Hoe het die interaksie tussen Afrikaners, die Britse regering en swart mense die land help vorm? Waar staan ons vandag as 'n nasie?
In hierdie boek span gerekende Suid-Afrikaanse historici saam om dié en ander vrae oor ons verlede te beantwoord. Onder leiding van die bekende prof. Fransjohan Pretorius gaan hulle terug tot die oorsprong van die aarde en beweeg daarna deur die kernmomente in die Suid-Afrikaanse geskiedenis. Daar is hoofstukke oor onder meer die Nederlandse era aan die Kaap, die minerale revolusie, die Anglo-Boereoorlog, Afrikanernasionalisme, swart politieke verset, die Afrikaanse kerk in die 20ste eeu en Suid-Afrika ná 1994.
Die skrywers bied 'n gebalanseerde blik op waar ons vandaan kom en gee onder meer ook erkenning aan Afrikaners se rol in die land se ontwikkeling.
Fransjohan Pretorius is 'n professor in geskiedenis aan die Universiteit van Pretoria en die redakteur van die topverkoper Verskroeide aarde. Hy is 'n kenner van die Anglo-Boereoorlog en sy boek Kommandolewe tydens die Anglo-Boereoorlog 1899-1902 is met verskeie toekennings bekroon.
