Goud kan nie Roes nie Paul Constant Smit

Sagte band Penguin 2016

Baie goeie toestand ,blaai wel effens vergeel.

n Antieke ekspedisie. n Naelbyt-avontuur. n Aangrypende liefde.
Con Slaughter myningenieur, rewolwervegter en avonturier maak sy fortuin tydens die goudstormloop op Barberton, meer as n millennium nadat die koningin van Skeba n ekspedisie na die suide van Afrika gestuur het. Verstrengel in n komplot tussen England en Duitsland wat die verloop van die geskiedenis kan verander, vrees Slaughter egter heeltyd n koeël in die rug. Hy vind vir n wyle vrede in die arms van sy Lorelei, maar Britse en Duitse Militêre Intelligensie trek die strop al nouer.
Slaughter leef op n mespunt: van n amperdood deur wilde diere tot die gruweldade van die Boereoorlog. Die veld van Afrika is onverbiddelik, en dit is hier waar hy tot die uiterste beproef word.
Paul-Constant Smit se Goud kan nie roes nie is n meesleurende avontuurverhaal vol aksie, intrige en passie vir n vervloë tyd.