Don Nelson, 2013, softcover, A4 format, illustrated, Afrikaans text, 80 pages, condition: new.
Die Groot Trek was n unieke verskvnsel: n massa-uittog van ongeveer 10 000 Boere mans, vroue en kinders uit die Kaapkolonie in die jare na 1836. Die emigrante, wat later Voortrekkers genoem sou word, het die kolonie weens verskeie hartgrondige redes wat in hierdie boek uiteengesit word, verlaat.
Die betekenisvolste feit van hulle vertrek blv steeds hul verset teen hul inperking deur Britse gesag. Soos tydgenootlike getuies verwag het, was die Voortrekkers se weg na die binneland van Suider-Afrika moeisaam en dikwels met bloed bevlek.
Oorkant die Vaal het hulle met Mzilikazi se vurige Ndebele gebots, en in Natal hulself die gramskap van die Zulukoning, Dingane, op die hals gehaal. Retief is gedood, en die Voortrekkers is in hul laers verdelg. Hoewel hulle herstel het, en uiteindelik die mag van beide Ndebele en Zulu geknak het, is die Voortrekkers se stryd eers beëindig toe hulle republieke (die Oranje-Vrystaat en die ZAR) in die vyftigerjare van die 19de eeu deur Brittanje erken is.
Die verhaal van die Voortrekkers word met talle fotos en skilderve van hierdie merkwaardige mans en vroue opgeluister, asook van die beweeglike lewenstyl wat hulle uittog moontlik gemaak het.
