Hoe God ons heelmaak / Hoe God ons dra

Skrywer: Maretha Maartens

Formaat: Groot Sagteband

Toestand: Baie Goed

Die meeste van ons wonder soms hoekom bepaalde dinge met ons gebeur, of ons voel die lewe behandel ons onregverdig. Dit is in sulke tye dat Christene vir God wil vra hoekom Hy hierdie onaangename gebeurtenisse in hulle lewe toelaat. Hulle het dan nog altyd gedink hulle leef volgens sy wil.

In Ware verhale van geloof vertel 22 mense uit verskillende dele van die samelewing van die keuses wat hulle in sulke moeilike tye gemaak het. Vir ons elkeen kronkel die lewenspad verskillend. Tog is dit midde-in sulke onverwagte oomblikke dat die ware helde van die lewe gebore word doodgewone mense wat weier om die knie te buig voor daardie een groot terugslag. Dit is hulle wat glo 'n nuwe pad is moontlik, en dit dan dag vir dag oopkap en oopleef. Hulle lewens vertel luidkeels dat onverwagte slegte dinge of onverwagte goeie dinge nie die laaste sê oor ons het nie.

Daar is iets wat elkeen van die 22 mense in hierdie stories gemeen het: Hulle het gekies om die beheer van hulle lewe aan Jesus Christus oor te gee. Word geinspireer deur hulle stories en laat dit jou geloof versterk.