In klip en gruis - P.H. Nortje

 In klip en gruis - P.H. Nortje - Tafelberg - 1989, eerste uitgawe - Sagteband in baie mooi toestand.

Aan die een kant George Bamford, agttien jaar oud, ‘n skraal Wallieser wat met al sy aardse besittings in ‘n enkele seilsak, ‘n konsertina onder die arm en ‘n paar pond in sy sak sesduisend myl ver oor die see gekom het om sy fortuin op Hopetown te kom soek. Aan die ander kant Dewald Grobbelaar, jong reus van agttien wat die sorg van sy pragtige suster Maria op hom moes neem nadat hy sy ouers tragies verloor het, en by homself gesweer het dat hy haar nooit weer op die togpad sal laat gaan nie.

Gooi hulle saam en wat kry jy? Grobbelaar, Bamford en Kie., Diamanthandelaars en Delwers.

Al het hulle tussenin heelwat pret gehad, was die delwersbestaan op Taaibosfontein geen piekniek nie. Hulle het van sonop tot sononder pik geslaan, puin weggery, gesif en gewas, en dan gesorteer in die hoop om iewers ‘n blink klippie te kry. Maar dit het baie pikslaan en baie sif en baie was gekos — en dan was die opbrengs steeds skamel.

Sou hulle ooit genoeg kry om hul ideale te verwesenlik en vir die meisies van hul hart te kan sorg? Baie dae was hulle moedeloos. Sou daar dan niks uit die klip en gruis vir hulle kom nie?