J von Moltke. VELDSMANNE. Verdere jagavonture van die Angola-Boere

Eerste uitgawe hardeband 1958 met 368 bladsye in goeie tweedehandse toestand. Stofjas is n kleurkopie.

Die Angola-Boere was afstammelinge van die Dorslandtrekkers wat vir sewe jaar deur woeste en onbekende lande moes swerf voordat hulle die beloofde land bereik het. In Angola was hulle enigste bronne van bestaan, behalwe boerdery, jag en transportry en af en toe n kansie om as vrywilligers op een of ander ekspedisie teen opstandige swart stamme krygsdiens te doen.

In Veldsmanne vertel die ou Boerepioniers op hulle eie, ongekunstelde manier hoe hulle in Angola geleef het en die land help tem het en van hulle jagvernuf en krygsvernuf. Willie Meester vertel van die kaalvoetjagter Larssen, die jagkonings van die Shimborro, die kwaai olifant van Catengue, petaljes met seekoeie, leeujag en slawerny in Angola. Oom Willem Grobler, n afstammeling van die Voortrekkers, vertel van oom Paul Venter en sy viool en die veldtogte teen Maranga, Ndoendoema en Huambo. Oom Peet vd Merwe vertel weer van die Vlug- en Wenekspedisie (1906-7).