Josefskleed & Judasbok - Wynand du Toit

Judasbok Wynand du Toit

Verraad te wille van oorlewing 

In Mei 1985 land n nege-man-span van die Suid-Afrikaanse Spesiale Magte op n strand in die olieryke Cabinda-provinsie van Angola. Hul uitsluitlike doel is die vernietiging van ses massiewe olie-opgaartenks. Die daaropvolgende skietgeveg lei tot die dood van twee soldate en die gevangeneming van kaptein Wynand du Toit. Dit alles dui op een ding: Verraad!

Lees hier in sy eie woorde die gebeure van daardie nag en die diepgaande nagmerrie van sy gevangeneskap, die sameswerings en die uiteindelike afleiding dat die hele operasie slegs n openingskuif was wat uiteindelik die Suid-Afrikaanse volk moes mislei tot oorgawe in Angola en die onafhanklikheid van Namibië.

----------------

Josefskleed - Wynand du Toit

Die stryd om te oorleef  ...

Du Toit vertel van sy lewe na die weermag en van die stryd van hom en baie ander soldate om aan te pas en in te skakel by 'n Suid-Afrika wat oudsoldate dikwels misken en die verraad op politieke vlak deur ministers en andere wat gerieflik met vet pakkette weggestap het, terwyl baie oudsoldate van die hand na die mond moet lewe.

Hy pas ook die laaste stukkies in die legkaart van waarom die operasie in Angola waarin hy gevangene geneem is dalk deel was van 'n groter politieke spel wat agter die skerms gespeel is.